Даваахүүгийн Цовоо

Үндэсний ТВ-ийн нэвтрүүлэгч Цовоо олон талын авъяастай бүсгүй билээ. Даваахүүгийн Цовоо 1965 онд Улаанбаатар хотод төржээ. 1987 онд СУИС-ийн кино драмын ангийг Л.Лхасүрэн багшийн удирдлага дор төгсөж жүжигчин болсон байна. 1987-1990 онд Хүүхэлдэйн театрт жүжигчин 1990-1992 онд Монголын радиод найруулагч 1992 оноос UBS телевизэд нэвтрүүлэгч 2000 оноос Үндэсний телевизэд нэвтрүүлэгч хийж байна. Цовоо нэвтрүүлэгчийг олон сайхан дуу дуулсан авъяастайг нь үзэгчид сайн мэднэ. Мөн тэрээр "Сэнтий түшсэн хатад" хэмээх сонсдог номыг продюсерлож өөрөө уншсан байна лээ. Авъяаслаг жүжигчин, дуучин, нэвтрүүлэгчдээ эрүүл энхийг хүсээд сайхан ээжийн дүрээр үзэгчидтэйгээ золгоорой гэж ерөөе дөө.