Г.Дэнсмаа

Ж.Бунтар найруулагч 1974 онд бүтээсэн "Нар хиртсэн жил" киноныхоо Дэнсмаагийн дүрд Г.Дэнсмаа хэмээх нүдэнд дулаахан бүсгүйг тоглуулжээ. Г.Дэнсмаа гуайг өөр кинонд тоглосон болов уу гэж надад байх тэр үеийн кинонуудад шүүж үзсэн боловч олсонгүй. Уг хүний талаарх мэдээлэл ч олдохгүй байна. Ямар ч байсан кино хальсанд залуу насаараа мөнхөрчээ. Одоо байвал 70 гаран насны л хүн байгаа болов уу. Ахмад киночид маань монгол кинонд монгол дүр төрхтэй хүнийг сонгож тоглуулдаг байсны нэг жишээ энэ билээ.