Лувсанцэрэн

Арслан тайжид тэмдэгт гал асаагаад хариу харуулдаж байхдаа "Миний хараа сайн" гээд шувуу харвадаг цэрэгт Бөмбөгөр ногоон театрын бүжигчин Лувсанцэрэн гэдэг хүн тогложээ. Лувсанцэрэн урьд нь ЗХУ-д бүжгийн сургууль төгссөн хүн ажээ. "Цогт тайж" кинонд тоглосон хүмүүсийн талаар тодруулгыг АЖ Ч.Долгорсүрэн гуайн амьд ахуйдаа бичиж тэмдэглэсэн "Алтан үеийнхний Цогт тайж кино" хэмээх номноос та бүхэнд хүргэсэн юм шүү. Ахмадууд маань бүгд дурсамжаа гаргавал ямар их ач холбогдолтойг энэ бяцхан ном харуулсан юм. Улиран одох цаг хугацаанаас урьдаж Монгол кинонд оролцсон хүмүүсийг аль болох тодруулахаар зорьж буй ном маань үргэлжлэн баяжсаар л байгаа шүү. Удахгүй та бүхнийхээ гар дээр очих нь дамжиггүй ээ.