Рушев

"Ардын элч" киноны цагаан цэргийн даргийг үзэгчид андахгүй боловч тоглосон жүжигчнийх нь талаар төдийлөн сайн мэдэхгүй байх аа. Константин Николаевич Рушев хэмээх энэ хүн бол дуурийн дуучин, мөн сурган хүмүүжүүлэгч хүн байжээ. Сонирхуулж хэлэхэд манай монголд төрөөд их алдартай зураач болж байгаад эрт бурхан болсон Надя Рушевын аав нь яг энэ хүнтэй ижил нэр, овогтой юм байна. Тиймээс тусдаа өөр хүн гэж ойлговол зохино. К.Н.Рушев 1895 онд Тамбов хотод төржээ. 1922 онд Тамбовын консерваторыг төгсөөд Тамбовын дуурийн театрт дуучин болсон байна. 1925 онд Москвагийн Театр Урлагийн Дээд Сургууль (ГИТИС)-ийг төгсчээ. 1950 оноос Москвагийн консерваторид багшилж байсан, Урлаг Судлалын Ухааны доктор хүн юм байна. 1959 онд Д.Жигжид гуай "Ардын элч" киногоо хийхдээ урьж авч ирж тоглуулжээ. Харамсалтай нь төд удалгүй 1962 онд 67 насандаа бурхан болсон гэнээ. Энэ хүний жүжиглэлт нь манай жүжигчдийн тоглолтоос тэс өөр байдгийг та бүхэн анзаарсан биз ээ. Манай жүжигчид Станиславскийн системээр тоглодог бол энэ хүн Мейерхольдын системээр сурсан хүн байсан бололтой. Хэтрүүлж тоглоод Жигжид гуайн үйлийг их үзсэн гэнэ лээ. Маш их дарж тоглуулаад л энэ шүү дээ.