Ц.Цолмон

Театрын төлөө ухамсарт амьдралаа зориулаад кинонд цөөн тоглосон жүжигчид олон бий. Тэдний нэг нь Ардын уран зохиолч Л.Цэнд-Очирын охин Цолмон эгч юм. Ц.Цолмон 1949 онд Улаанбаатар хотод төржээ. 1971 онд УБДС-ийн кино драмын ангийг жүжигчин мэргэжлээр төгсөөд Хүүхэд Залуучуудын театрт хувиарлагдан 1998 онд тус театрыг татан буугдтал ажиллажээ. Ханд болон сүүлд "Бурхан мартсан заяа", "Элсний нүүдэл" зэрэг кинонуудад тогложээ. Цолмон эгчийн хань нь Арслан буюу Доржсамбуу найруулагч бөгөөд хүү Д.Амар, Д.Цогт нар мөн найруулагч болсон юм. Цолмон эгчийг Буриад улс гавъяат жүжигчин цолоор шагнасан бол Монголын маань төр соёрхоогүй л байна даа.