Баахүүгийн Ганчимэг

"Газрын үнэр" киноны компотонд дуртай охин одоо ч орон нутагт соёлын үрийг тарьсаар яваа юм байна. Баахүүгийн Ганчимэг 1960 онд Баянхонгор аймгийн Галуут суманд төржээ. 1978 онд нутагтаа арван жилээ төгсөөд УБДС-ийн кино драмын ангид элсэн орсон байна. 1982 онд Д.Маамхүү, Б.Мөнхдорж багш нарын удирдлага дор жүжигчин мэргэжлээр төгсжээ. Төгсөөд л Баянхонгор аймгийн театрт жүжигчнээр очиж ажиллаад одоо ч урлагтаа үнэнч яваа ажээ. Залуу найруулагч нараа орон нутагт сайн, сайхан жүжигчид байсаар байна шүү.