Норовын Хуяг-Очир

Хуяг-Очир багшийгаа дурсмаар санагдав. Намайг оюутан байхад даруухан, дөлгөөхөн ийм нэгэн багш хослол зургийн уран чадварын хичээл ордог байлаа. Х.Дамдин гуай, Д.Баттулга багш нарыг төгсөж ирээгүй байхад л "Элбэг дээл", "Үүрээр" кинонуудын ерөнхий оператороор ажилласан эртний хүн байгаа юм. Тэгсэн мөртлөө СТА-наас өөр шагналгүй гэхээр аргагүй л даруухан хүн байсан даа. Норовын Хуяг-Очир багш 1934 онд Улаанбаатар хотод төрсөн. 1950-1953 онд Холбооны техникум төгссөн. 1954-1956 онд Улсын төв театрт хөгжимчин хийж байгаад Монгол Кино үйлдвэрт оржээ. 1957 онд Кино үйлдвэр 50 гаран залуучуудыг Мосфильм студид нэг жилийн хугацаатай дадлага хийлгэсэн байдаг. Мэргэжлийн боловсон хүчинтэй болох гэсэн бодлого л доо. Түүний ч үр дүнд олон уран бүтээлчид төрсөн түүхтэй. Хуягаа багш тэндээс л кино операторын онолыг сурч авчээ. Хожим Киев хотын Киноны дээд сургуульд хослол зургийн мэргэжил эзэмшсэн гэдэг. Ингээд Монгол кино үйлдвэрт оператор болсон хэрэг. "Гурван найз", "Морьтой ч болоосой", "Хил дээр" зэрэг кинонуудад туслах болон 2-р оператороор, мөн: 1991 он "Монгол даатгал