Осорын Норолхоо

Өнөө цагийн гавъяат жүжигчин хүүхдүүдийн хажууд АРДЫН ЖҮЖИГЧИН байхаар нэгэн хүнийг танилцуулая. Осорын Норолхоо 1950 онд Улаанбаатар хотод төржээ. 1968 онд Улсын Драмын театрт жүжигчнээр ороод олон арван жүжигт хүүхдийн дүр бүтээжээ. Норолхоо эгчийг Буратинод тоглодог байсныг миний үеийнхэн андахгүй ээ. 1992 оноос Хүүхэлдэйн театрт туслах найруулагчаар ажиллажээ. Норолхоо эгч гэр бүлээрээ театрын төлөө зүтгэсээр цөөхөн кинонд тоглосон нь харамсалтай. "Далд уянга" кинонд эмгэн шуламс хочит хоригдолын дүрд тоглосоныг нь хүмүүс "Гал хам" кино гэж андуурдаг юм. Бас л нурууны үс босгодог дүр шүү. О.Хоролхоо эгчдээ эрүүл энх, сайн сайхныг хүсээд удахгүй гавъяат жүжигчин гэдэг эрхэм цолоо хүртээрэй гэж ерөөе өө.