Содномын Нарангэрэл

"Хөдөөгийн баясгалан" киноны Халтар царайт Гунгаа хүүд хэн тоглосныг мэдэх үү? Содномын Нарангэрэл 1954 онд Хэнтий аймгийн Гурванбаян суманд төржээ. 1970-1974 онд Хөгжим бүжгийн дунд сургуулийн ардын бүжгийн ангид суралцаж төгссөн. 1974 оноос Улсын Ардын Дуу Бүжгийн Чуулгад бүжигчин, 1983-2002 онуудад ХБДуС-ийн ардын бүжгийн багш 2005-2010 онд СУИС-д багшилж байгаад өндөр насны тэтгэвэрт гарчээ. Насаараа урлагийн төлөө зүтгэсэн С.Нарангэрэл гуай төрийн өндөр шагнал хүртээгүй ч залуу насаа кино хальсанд мөнхөлсөн азтай нэгэн билээ.