Дашдоржийн Баатар

Үзэгчид өөрийг нь сайн танихгүй ч бүтээлээр нь байнга учран золгодог нэгэн эрхэм уран бүтээлчийг танилцуулъя. Кино оператор Дашдоржийн Баатар 1943 онд Улаанбаатар хотод төржээ. 1961 онд Монгол кино үйлдвэрт туслах оператороор ажилд орж 1963 онд ЗХУ-ын БХКУДС-ийн кино операторын ангид профессор Б.И.Волчекийн удирдлага дор суралцжээ. 1968 онд сургуулиа төгсөөд насан эцэслэтлээ буюу 1987 он хүртэл Монгол кино үйлдвэрийн ерөнхий оператороор ажилласан юм. Баатар гуай олон арван баримтат кино, кино мэдээний зураг авсан бөгөөд энэ удаа түүний ажилласан уран сайхны кинонуудыг нь дурьдая. Д.Баатар оператор алдарт найруулагч Д.Жигжид гуайн эхлүүлсэн "Мандухай цэцэн хатан" киноны оператороор ажиллаж байсан гэдэг юм.