Рагчаагийн Дамдинбазар

"-Бараан морь зайдан унасан, нэхий нударгатай хүн байна" гэдэг үгийг санаж байгаа байх. Энэ бол "Гарьд магнай" киноны Ядам өвгөний жин тээж байхдаа хулгайчид тэмээгээ алдаад хэлдэг үг. Ядам өвгөнд БНМАУ-ын Гавъяат жүжигчин Рагчаагийн Дамдинбазар гуай тоглосон. Дамдинбазар гуай анх 1961 онд Д.Жигжид найруулагчийн "Улаанбаатарт байгаа миний аавд" киноны Самдангийн дүрд тоглосноор кино урлагт орж иржээ. Түүнээс хойш насан өөд болтолоо кино үйлдвэрт жүжигчин, орчуулгын кинонд дуу оруулагчаар ажилласан. Миний тэмдэглэснээр Дамдинбазар гуай 50 гаруй кинонд гол болон туслах дүр бүтээжээ. Р.Дамдинбазар гуайн орчуулгын кинонд ажиллаж байсан олон дүрүүдээс хүмүүсийн сайн мэдэх ганц дүрийг нь дурьдахыг хүслээ. Зөвлөлтийн инээдмийн киноны нэрт найруулагч Эльдар Рязановын "Ийм нэгэн явдал" киноны Новосельцевын рольд дуу оруулсан нь гайхамшигтай үүсмэл бүтээл болсон юм. Ягаан Гажид Цэнд-Аюуш гуай Людмила Калугина даргын амыг барьсан энэ кино монголын орчуулгын киноны түүхэнд бичигдэнэ гэж багш нар бахархан ярьдаг байсаан. Эзэн нь үгүй болсон ч бүтээл нь мөнхөрдөг кино урлаг гайхамшигтай юм даа. Сайхан монгол өвгөн...