Х.Авирмэд

Кино үйлдвэрийн жолооч Авирмэд гуайн талаар дахин пост оруулъя. Учир нь хоёр жилийн өмнө бичиж байснаас хойш олон кинонд тоглосныг нь олж мэдсэн тул нэмж орууллаа. Насаараа кинонд ажиллачихаад нэр ч үгүй, дүрс ч үгүй үлддэг камерын арын олон гавъяатгүй гавъяатнууд байдаг юм шүү. Хэд хэдэн кинонд дүрээ үлдээсэн нэгэн азтанг өнөөдөр танилцуулъя. Лэхтваген буюу киноны гэрлийн машины жолооч Авирмэд гуай Кино үйлдвэрт байсан ахмадууд маань энэ хүний талаар болон өөр олон сайхан хүмүүсийн талаар дурсамжаа хуваалцана гэдэгт найдаж байна.