Н.Цэвээнравдан

Няндагийн Цэвээнравдан 1950 онд Дорноговь аймгийн Их хэт суманд төржээ. Цэргээс халагдаад л Хүүхэлдэйн театрт дагалдан жүжигчнээр ороод нэг жилийн дараа Ленинград хотын Театр, Кино, Хөгжмийн дээд сургуульд орсон байна. Оюутан байхдаа гадаад оюутанд "Чингисийн Монгол" гэж томорсон хэргээр жилийн чөлөөгөөр шийтгүүлж байжээ. Дундговь аймгийн ХДТ-т найруулагчаар ажиллаж байхдаа намын хурлын концерт найруулж байтал намын дарга ажилд нь оролцоод байж л дээ. Тэгэхээр нь шуудхан "Намаас өмнө урлаг байсан юм. Дуугүй бай" гэж хэлээд дахиад шийтгүүлж байсан гэнэ лээ. Энэ бүхнийг дурдсаны учир нь жүжигчин Цэвээнравдан юунаас ч айдаггүй, цагаан цайлган, дотроо бугшуулж хадгалдаггүй эр байж дээ гэж бодогдсоных юм шүү. Тэрээр Хүүхэлдэйн театр, Драмын театр, "Учиртай инээд" хамтлагт жүжигчнээр ажиллаж байсан билээ. УГЗ Н.Ганхуяг багш найздаа зориулан "Намаас өмнө урлаг байсан" номыг гаргасан юм. Тэр номноос "Ангийн байцаагч"-ийн тухай илүү ихийг мэдэж болно. Н.Цэвээнравдан гуай киноноос амьдралынхаа ханьтай учирчээ. Кино үйлдвэрийн монтажчин С.Алтанцэцэг эгч түүний хань нь билээ.

Н.Цэвээнравдан

Алдартай бүтээлүүд

Бүтээлүүд

Намтар

Хамгийн олон хамтран ажилласан

Холбоотой түүхүүд

№88 Н.Цэвээнравдан