Осорын Нямсүрэн

"Догшин хар" гэхэд л хэний тухай унших гэж байгааг үзэгчид андахгүй. Мэддэг мөртлөө мэддэггүй, таньдаг мөртлөө таньдаггүй тийм хүмүүсийн талаар жаахан ч гэсэн ойлголт өгч үндэсний кино урлагаа сурталчилахад миний зорилго оршино. 1939 онд Хөвсгөл аймагт төрсөн нэгэн хүү хамаатныхаа айлд өргүүлсэнээр Лувсан-Осорын овогтой Нямсүрэн гэдэг нэртэй болжээ. Найзынхаа ятгалгаар бүжигчин болохоор Налайхын Соёлын Ордонд уран сайханчаар орсон залуу 1965 онд УДТеатртын боловсон хүчнийг зузаатгахаар зарласан шалгалтанд тэнцсэнээр дагалдан жүжигчиний орон тоон дээр орж гавъяат жүжигчин Л.Лувсан гуайн гарын шавь болж байжээ. "Өглөө" киноны Марзан Шаравын дүрд багшийгаа тоглож байхад залуу жүжигчин дээлийнх захыг мушгиад сууж байсан гэнэ лээ. БНМАУ-ын Гавъяат жүжигчин Лувсан-Осорын Нямсүрэн багшийн анхны кино нь "Цэргийн хүү" байлаа. Намайг оюутан байхад Нямсүрэн багш манай доод ангийнханд жүжигчиний уран чадварын хичээл ордог байлаа. Хэдийгээр хичээл заалгаагүй ч энэ хүнтэй нэг цаг үед, нэг сургуулийн дээвэр дор багш оюутан болж үгийг нь сонсож явсанаараа бахархаж явдаг юм аа би.