Сангижавын Гэндэн

Алтан үеийнхний дотор хамгийн өндөр боловсролтой хүн бол БНМАУ-ын Ардын жүжигчин, найруулагч Сангижавын Гэндэн гуай билээ. Тэрээр 1919 онд Өвөрхангай аймгийн Арвайхээрийн хошуунд мэндэлжээ. Алдарт хуурч Алтанхуягаар хуур заалгаж эхэлсэн тэрээр 1932 оноос театрын түр сургуульд суралцан улмаар Хязгаарын цэргийн дуу бүжгийн ансамблийн захирлын албыг хашиж байжээ. 1944 онд Намын дээд сургууль 1945-1950 онд Москва хотод А.В.Луначарскийн нэрэмжит театр урлагийн дээд сургуулийг драмын найруулагч мэргэжлээр төгсжээ. Улсын Хөгжимт Драмын Театрт ерөнхий найруулагчаар олон жил ажиллахдаа дэлхийн сонгодог жүжиг олныг тавьсан байна. Мэргэжлийн кино найруулагч ховор байх үед буюу 1957 онд "Сэрэлт" киног найруулсныхаа дараа "Би монголын урлагт брак юм хийчихлээ" гэж өөрийгөө голж байжээ. Сүүлд 1964 онд "Ховдогийн гай" киног найруулсан юм. Энэ кино бол монголчуудын бие дааж хийсэн анхны үлгэрийн кино байлаа. Урьд нь германтай хамтарсан анхны үлгэрийн кино "Алтан өргөө" бүтээгдэж байсан бол хожим 1979 онд кино зураач П.Цогзол "Бушхүүгийн үлгэр" киног найруулсан нь монголын кино урлагт гурван л үлгэрийн кино төрсөн түүхтэй. Энэ агуу хүний хийсэн бүтээснийг дурьдвал их ээ. Гэндэн гуай 1941 онд бүтээсэн "Сүхбаатар" кинонд зөвлөлтийн жүжигчин Л.Н.Свердлин Сүх жанжины дүрийг бүтээсэн билээ. Дайны үед тус кинонд монгол хэлээр дуу оруулалтыг Алма-Ата хотод хийх үед Гэндэн гуай Сүхбаатарын дууг оруулсан гэдэг. "Үер" киноны Болд өвгөний дүрд нь ард түмэн хайртай. Михайл өвгөнд тоглосон ЗХУ-ын Ардын жүжигчин, Социалист хөдөлмөрийн баатар Н.А.Крючков хамтран тоглосон Гэндэн гуайн ур чадварыг гайхан өөрийгөө голж байсан юм гэнэ лээ.

Сангижавын Гэндэн

Алдартай бүтээлүүд

Бүтээлүүд

Намтар

Хамгийн олон хамтран ажилласан

Холбоотой түүхүүд

№39 Сангижавын Гэндэн