Ёндонгийн Алтангэрэл

Жүжигчин МУСТА, ТВ Караоке нэвтрүүлгийн хөтлөгч Ёндонгийн Алтангэрэл маань өчигдөр биднийгээ орхин бурханы зүг одлоо.

УМ МА НИ БАД МИ ХУМ

Ё.Алтангэрэл УБДС-ийн кино драмын ангийг 1989 онд Д.Маамхүү багшийн удирдлага дор улаан дипломтой төгсөж жүжигчин болжээ.

Түүний анхны кино нь Ж.Бунтар найруулагчийн "Тод магнай" кино байсан юм. Оюутны ширээнээс дөнгөж гараад энэ киноноос их юм сурсан гэж билэгдэн ярьдаг байлаа.

1990 он "Тод магнай" хятад зарц

2013 он "Сарны гөлөг"

2022 он "Миний муу найз" Яндаг

2022 он "Миний хайртай Пабло" Нямаа

2022 он "Хайрыг битгий гомдоо" ОАУСК Банзай

2023 он "Зүүдний хүн"

2025 он "Би ганцаараа биш" эдгээр кинонуудад дүрээ үлдээсэн ажээ.

Амьдралын төлөө цуцалтгүй тэмцэгч байхын үлгэр дуурайлалыг ард түмэндээ үзүүлж, бахархалтайгаар амьдарсаан найз минь.

Эх сурвалж: Д.Золбаяр.