Нямхүүгийн Галсанбалдан

Кино үзэж байхад чинь "зургийн дарга" гээд хүний нэр гардаг шүү дээ Энэ мэргэжилтнийг хүмүүс их гайхаж асуудаг юм. Директор картины гэдэг орос үгнээс шууд орчуулсан нэр л дээ. Кино уран бүтээлчдийн аж ахуйн бүх асуудлыг хариуцан ажилладаг энэ хүнээс киноны чанар их шалтгаалдаг билээ. Сайн найруулагч нарын ард асаалттай танк байдаг нь зургийн дарга юм шүү. Монгол кино үйлвэрт олон сайн зургийн дарга нар байсны нэг нь Нямхүүгийн Галсанбалдан гуай юм. Харамсалтай нь энэ хүний нэрийг олон ч номонд дурьдсан боловч товч намтарыг нь бичсэн нь нэгээхэн ч үгүй. Н.Галсанбалдан гуай "Өндөр ээж", "Хүргэн хүү", "Хүний төлөө", "Нөмрөг хадны цуурай" кинонуудад эпизодний болон олны хэсэгт тоглож дүрээ мөнхөлсөн байдаг юм. Галсанбалдан гуайн хүү Г.Аахүү ах мөн л сайн зургийн дарга болсон тухай урьд нь бичиж байсан билээ.