Тангадын Борхүү

1967 онд УБДС-ын кино драмын ангийн төгсөгч Т.Латиф, Ч.Авирмэд нарыг дурссан. Одоо тэдний ангийн охин МУГЖ Тангадын Борхүү эгчийг танилцуулъя. Танилцуулах ч юу байхав. Та бүхэн танина даа. 1945 онд Говь-Алтай аймгийн Халиун суманд терж Дорноговь аймагт 10-р ангиа тегсеед УБДС-д элсэн оржээ. Борхүү эгч сургууль төгсөөд л Хүүхэд Залуучуудын театрт хувиарлагдан ажиллаад уг театрыг татан буугдтал ажилласаар, жүжигт тоглосоор байжээ. 2025.02.16 Би саяхан Өвөрмонголын "Ээжийн онгоцны буудал" киног үзлээ. Энэ кино олон улсын кино наадмуудаас шагнал авсан гэж сонсож байсан юм л даа. Сайхан кино байна. Манайхан иймэрхүү кинонууд хийгээд фестивалиудад оролцвол болмоор л санагдаж байна. Их хөрөнгө мөнгө шаардагдахгүй, техник технологийн хувьд ч гологдохгүй. Хамгийн гол нь зохиол... Ээждээ чулууг бурхан гэж худал хэлээд харж болохгүй гээд өгтөл ээж нь сүсэглэн залбирсаар байгаад түүнийг нь бурхан болгосон үлгэр бий шүү дээ. Түүнээс л санаа авсан мэт санагдав. Гэхдээ амьдралд ойртуулаад сайхан хийжээ. Энэ киноноос бас нэг анзаарсан, бахархсан зүйл нь гол дүрд тоглосон МУГЖ Т.Борхүү эгчийн ур чадвар байлаа. Монгол киноны алтан үеийнхэнтэй хамт ажиллаж, амьдарч, уран бүтээлд нь мөр зэрэгцэн оролцож явсан ахмад жүжигчний хувьд Борхүү эгчийн тоглолт өвөрмонгол жүжигчдээс илт давуу харагдаж байна. Ийм ч болохоор өвөрлөгч нөхөд маань энэ сайхан буурайг олон ч кинондоо урьж, түүнээс суралцаж, авшиг хүртдэг бололтой. Залуу жүжигчдэд захихад ур чадвараа хөгжүүлвэл урд том зах зээл байгаа гэдгийг энэ ахмад уран бүтээлчийн замналаар хүргэж байгаа юм шүү. Т.Борхүү гуайн тухай урьд нь бичиж байсан болохоор энэ удаа урд хөршийн кинонуудад тоглосон түүхийг нь өөрийн мэдэхээр та бүхэнд хүргэе. "Ээжийн онгоцны буудал" гэдгийг "Ээжийн нисгэлийн буудал" гэж өвөрмонгол хэллэгээр нь бичсэн шүү. Хятад кинонуудыг нь үзэж чадаагүй нь харамсалтай. Тэр үлгэрийн кинонд нь хятад жүжигчид шиг бүр нисэж тоглосон гэдэг шүү.